MUTHU GANESH R
FOUNDER
ஆகிய நான் 2008 இல் பள்ளி படிப்பை பட்டிவீரன்பட்டி நாசுவிவி ஆண்கள் மேல்நிலைப் பள்ளியில் படித்து முடித்து 2009 கல்லூரியில் சேர்ந்து படிக்க வசதியில்லாததால் , படிக்க பணம்  இல்லாமல் பண்ணைக்காடு பரமசிவம் கலை மற்றும் அறிவியல்  கல்லூரியில் அலுவலக பணியாளராக பணி செய்து  அதன் மூலம் 2009-2012 வரை மதுரை காமராசர் பல்கலைக் கழக கல்லூரி ஆண்டிபட்டியில்  வணிகவியல் B.Com.CA., படித்து  நல்ல ரேங்குடன்  கல்லூரியை சிறப்பாக முடித்தேன்  . தேனியில் நான் பணி செய்யாத இடம் கிடையாது வறுமையை உடைக்க உழைப்பு+படிப்பு என்பதை அறிந்து எனது பணியை காலையில் சப்ளை பணி  மதியம் கல்லூரி படிப்பு  என சமாளித்து தான் படிப்பை முடித்தேன் .  முதல்வர் துறைத்தலைவர் அவர்கள் உதவியுடன் மேற்படிப்பு படிக்க ஆர்வம் தந்ததால்   மதுரை காமராஜர் பல்கலைக்கழகத்தில் ,மதுரை நுழைவுத்தேர்வில் நல்ல இடத்தை பிடித்து  MBA படிப்பை தேர்வு செய்து படிப்பில் சற்று பராவாயில்லாமல்  படித்தேன் . காரணம் டின்பிஸ்சி தான் முழு நேரமாக புத்தகங்கள் கையுமாக இருப்பேன் வழி தெரியாமல் மிகவும் சிரமப்பட்டு படிப்பேன் ஆனால் 100% படிப்பை முடிக்க முடியவில்லை . காரணம் அங்கேயும் கேட்டிரிங் பணி செய்து கொண்டே படிப்பு செலவை பார்த்து கொண்டேன் . மேலும் தனியார் நிறுவனங்களில் 2-3 இடத்தில் வேலை கிடைத்தது ஆனால் செல்ல விரும்பவில்லை . என் தாயின் மற்றும் குடும்பத்தின்  கணவு நான் ஆசிரியர் ஆக வேண்டும் என்று ஆனால் நானோ MBA  படித்ததால் நான் பணி செய்த கல்லூரி தாளாளர் உதவி செய்ய  எனக்கு  பேராசிரியர்  பணியை 2015 அன்று வழங்கினார்கள் . நன்றாக வகுப்புகள் எடுக்க தொடங்கி ஒட்டுமொத்த கல்லூரியில் மாணவர்கள் மாணவிகளிடம் நற்பெயர் வரத் தொடங்கியது அன்று தான் வேலைவாய்ப்பு பயிற்சி தர வேண்டும் என்ற எண்ணம் உருவாகியது உடன் இருந்த ஆசிரியர்களும் ஊக்கம் தந்து உதவினர்  . நான் அலுவலராக இருந்த இடத்தில் M.Phil முடித்து விட்டு தற்போது பேராசிரியர் பணியில் 6 வருடமாக சிறந்த பேராசிரியர் சான்றிதழ் பெற்று வேலை பார்த்து வருகிறேன். அகாடமி உருவான காரணம் எனக்கு தேடல் அதிகம் ஆனால் என் தேடல் திருப்தி அடையும் வரை நிற்கவில்லை அதனால் அரசு வேலைக்காக  படிக்க வேண்டும் என்று  2015 அன்றே சாய்ஸ் அகாடமி உருவாக வேண்டும் என்று ஒரு தோட்டத்தில் உட்கார்ந்து படிக்கும் போது அந்த எண்ணம் உருவாகி அதற்கான பணியில் இறங்கி உழைக்க தயாரானேன் . கல்லூரி மாணவர்கள் மாணவிகள் வருகை தருவார்கள் என்று நம்பிக்கையுடன் வத்தலகுண்டு CSI School பள்ளியில் தொடங்கினேன்.  அதற்கான நல்ல பலனும் கிடைத்தது . அப்படியே யூடியூப் சேனலில் வீடியோ பதிவுகள் கொஞ்சம் கொஞ்சமாக பதிவேற்றம் செய்ய ஆரம்பித்தேன்  ஆரம்பத்தில் யூடியூப் சேனல் பெரிதாக வளர வில்லை காரணம் விழிப்புணர்வு குறைவாகவே இருந்தது . அதனால் புதிய முடிவு ஒன்று எடுத்தேன் செமினார் என்ற அடிப்படையில் சென்னை மதுரை கோவை திருச்சி என மாவட்டங்களில் இரண்டு நாட்கள் தமிழ் வகுப்புகளை நன்றாக நடத்தி முடித்து தந்து அதன் மூலம் தேர்வில் நிறைய பேர் வெற்றி பெற்றதாகக் தகவல் வந்த வண்ணம் இருந்தது அதனால் செமினார் என்ற அடிப்படையில் நிறைய உழைப்பை தந்தேன் ஆனால் உடலில் தொய்வு ஏற்பட்டது அதனால் சற்று காலங்கள் தள்ளி போட்டு விட்டு செமினார் வீடியோக்கள் அனைத்தும் பதிவேற்றம் செய்தேன் அந்த வீடியோக்கள் நல்ல மதிப்பை தந்தது . கொஞ்சம் கொஞ்சமாக தினமும் அதிகமான உழைப்பை தருவேன் மனதளவில் நிறைய நேரம் புதிய ஐடியாக்கள் உருவாக்கி அதை மாணவர்கள் மாணவிகளுக்கு கொண்டு செல்ல வேண்டும் என்று அதிகமாக உழைப்பை தந்தேன் . ஆக மொத்தம்   அனைவரின் ஆதரவுடன் வத்தலக்குண்டு நகரில் விரிவாக படிக்க எங்கள் ஊரில் கிராமத்தின் ஆரம்பித்த முதல் அகாடமியாக ஆரம்பித்தேன் . படிப்படியாக எளிதாக புரிய வைக்க பல யுக்திகள் கையாண்டு வந்தேன் அதை நிறைய பேருக்கு பிடித்து அகாடமியில் வந்து படித்து நிறைய மாணவர்கள் மாணவிகள் வெற்றி பெற்று அரசு அதிகாரிகளாக இன்றும் பணியில் சிறப்பாக செயல்பட்டு வருகின்றனர் . அப்போது தான் தெரிந்தது நமக்கு ஆசிரியர் பணியை கடவுள் இயற்கையாக படைத்து விட்டார் என்று தற்போது 2 கிளைகள் திறந்து அகாடமியின் வளர்ச்சிக்கு உண்மையான உழைப்பு தந்து வருகின்றேன் . என்னை பொறுத்தவரை அகாடமி வளர்ச்சி என்பது மாணவர்கள் மாணவிகள் வெற்றி மட்டுமே 
கடைசியாக ஒரு டெக்னாலஜி தெரியாமல் ஒரு சேனலில் 1.5 இலட்சம் மாணவர்கள் மாணவிகள் இருக்கும் சேனலை இழந்தேன் ஆனால் மனம் தளராமல் மீண்டும் கடந்த 2 வருடத்தில் 0 வில் இருந்து தொடங்கி இன்று 2 இலட்சம் மாணவர்கள் மாணவிகளுடன் பயணித்து வருகிறேன் . வாழ்க்கை வாழ்வதற்கே வைராக்கியம் இருந்தால் போதாது உழைப்பு வேண்டும் உழைப்பை குறைத்து மனதில் மட்டும் சிந்தனை செய்வதால் ஒன்றும் பயனில்லை என்பதை புரிந்து கொண்டால் வெற்றி நிச்சயம்